विधानपरिषद निवडणुकीमध्ये महायुती आणि महाविकास आाघाडी यांच्यामध्ये चुर्शीची लढत झाली. यात महायुतीचा विजय झाला. त्यानंतर नागपूरमध्ये अजित पवार यांचे बॅनर झळकले आहेत. राजकारणातील चाणक्य अजितदादा, असा आशय असलेले बॅनर नागपुरात लावण्यात आले आहेत. विधानपरिषदेत राष्ट्रवादी अजित पवार गटाचा विजय झाला विजयानंतर नागपुरात हे बॅनर लावण्यात आले आहेत. नागपूरच्या विधान भवन परिसरात हे बॅनर लावण्यात आले आहेत. विधान परिषद निवडणुकीत राजेश विटेकर आणि शिवाजीराव गर्जे यांचा विजय झाला असून त्यांना शुभेच्छा देणारे हे बॅनर आहेत. नागपूर अजित पवार गटाचे प्रशांत पवार आणि शिवराज बाबा गुजर यांच्याकडून हे शुभेच्छा बॅनर लावण्यात आले आहेत.