Old Mumbai Pune Highway मुंबई-पुणे द्रुतगती महामार्गापाठोपाठ आता जुन्या मुंबई-पुणे महामार्गाचेही सहापदरीकरण करण्याचा महत्त्वाचा निर्णय घेण्यात आला आहे. वाढत्या वाहतूककोंडीवर मात करण्यासाठी आणि वाहनचालकांचा प्रवास सुखद करण्यासाठी एमएमआरडीसीने (MMRDC) ही योजना आखली आहे.

या प्रकल्पांतर्गत निगडी ते शिळफाटा दरम्यानच्या १११ किलोमीटर लांबीच्या रस्त्याचा विकास केला जाणार असून, त्यासाठी सध्या सल्लागार नेमण्याची प्रक्रिया सुरू आहे. या संपूर्ण प्रकल्पावर ५ ते ६ हजार कोटी रुपयांचा खर्च अपेक्षित आहे. हे काम पूर्ण झाल्यानंतर प्रवाशांचा प्रवास अधिक वेगवान आणि विनासायास होण्यास मदत होणार आहे.