ओडीसामध्ये काँग्रेस पक्षाद्वारे महिलांवर वाढत असलेले अत्याचार आणि आमदारांचे केलेले निलंबन याच्या विरोधात आज ओडीसाच्या विधानसभेला घेराव करत तीव्र आंदोलन केले.यामध्ये ओडीसा सरकारने काँग्रेसच्या 14 आमदारांचे निलंबन केले आहे.

मंगळवारी विधासभेत सत्ताधारी भाजप आणि विरोधी पक्षामध्ये मोठा गदारोळ झाला होता.त्यानंतर काँग्रेसचे आमदार तारा प्रसाद बाहिनीपती यांच्यावर गैरवर्तणूक केला असा आरोप करत त्यांना सात दिवसांसाठी निलंबन केले होते. मंगळवारी सभागृहात गदारोळ केल्याप्रकरणी 12काँग्रेसच्या आमदारांना निलंबित केले. तरी देखील आमदारांनी विधानसभेत ठिय्या मांडला आणि रात्रभर महात्मा गांधी रोडवर धरणा दिला. या सगळ्याच्या विरोधात आज काँग्रेस पक्षाने तीव्र आंदोलन केले. दरम्यान सुरक्षा रक्षकांनी त्यांना थांबवण्याचा प्रयत्न केला. यावेळी भाजप आणि काँग्रेसच्या नेत्यांमध्ये मोठा राडा झाला. यामध्ये त्यांच्यात हाणामारी देखील झाली.यानंतर पोलिसांनी आंदोलकांवर पाण्याचे फवारे मारले या पाण्याच्या फवाऱ्यांचा वेग इतका होता की यामध्ये अनेक आंदोलक जखमी झाले.