केंद्रीय मंत्री नितीन गडकरी यांनी मुंबई उच्च न्यायालयात धाव घेतली आहे. E20 इथेनॉल कार्यक्रमातून गडकरी आणि त्यांच्या कुटुंबाला आर्थिक लाभ झाल्याचा दावा करणाऱ्या पोस्ट्स आणि कथित ‘डीपफेक’विरोधात गडकरींनी ही याचिका दाखल केली आहे.

सोशल मीडिया प्लॅटफॉर्म्स आणि अज्ञात व्यक्तींविरुद्ध कारवाईची मागणी नितीन गडकरींनी याचिकेद्वारे केली आहे. आरोप पूर्णपणे खोटे, दिशाभूल करणारे आणि बदनामीकारक असल्याचा दावा गडकरींनी केला आहे. इथेनॉल मिश्रण कार्यक्रम पेट्रोलियम आणि नैसर्गिक वायू मंत्रालयाचा आहे. आपल्या मंत्रालयाशी त्याचा संबंध नसल्याचे स्पष्टीकरणही त्यांनी दिलं आहे.