दोन ठाकरे बंधू एकत्र आले ते चांगलेच झाले, पण यांच्यातील नवरा कोण आणि नवरी कोण हे शिवसेना आणि मनसेवाल्यांनी सांगावे असा टोला मंत्री नितेश राणेंनी लगावला. आजच्या यांच्या स्टेजवर कॉम्रेड लोक दिसले, आता यांनी फक्त सीमीच्या दहशतवाद्यांशी युती करायची राहिली आहे अशी टीकाही नितेश राणे यांनी केली. राज आणि उद्धव ठाकरे एकत्र आल्यानंतर यावर नितेश राणे यांनी टीकास्त्र सोडले.

उद्धव ठाकरे आपल्या भाषणा दरम्यान म्हणाले, की आपल्यातला अंतरपाट हा आनाजी पंताने दूर केला यावर नितेश राणे यांनी प्रत्युत्तर दिले. दोन कुटुंब एकत्र आले तर चांगली गोष्ट आहे. हा त्यांच्या कुटुंबाचा विषय आहे. यांचा विषय तर थेट अंतरपाटापर्यंत गेला. आता यांच्यातील नवरा कोण आणि नवरी कोण हे शिवसेना आणि मनसेवाल्यांनी सांगावे असा टोला राणे यांनी लगावला.