अजय सोनवणे, साम टीव्ही

नाशिक जिल्ह्यातील निफाड तालुक्यात आज संध्याकाळच्या सुमारास मौजे कसबे-सुकेणे परिसरात ढगफुटी सदृश्य जोरदार पावसाने धुमाकूळ घातला. अवघ्या काही मिनिटांत रस्ते जलमय झाले असून अनेक ठिकाणी घरांमध्येही पाणी शिरल्याने नागरिकांची मोठ्या प्रमाणात गैरसोय झाली.जोरदार पावसाच्या आधी काही भागांमध्ये गारपिटीचाही अनुभव आला. अचानक आलेल्या या गारपिटीमुळे द्राक्षबागांना मोठा फटका बसण्याची शक्यता वर्तवली जात आहे. विशेषतः नुकत्याच लागवड केलेल्या नवीन वेलींना याचा मोठा तडाखा बसला आहे.या पावसामुळे शेतकरी वर्ग संकटात सापडला असून सरकारकडून तात्काळ मदत मिळावी अशी मागणी शेतकऱ्यांनी केली आहे.