मुंबई : मातोश्रीच्या बाहेर खासदार निलेश लंके यांच्या स्वागताचा बॅनर झळकला आहे. हिंदुहृदयसम्राट बाळासाहेब ठाकरे यांचे निष्ठावंत शिवसैनिक म्हणून निलेश लंके यांचा उल्लेख बॅनरवर करण्यात आला आहे. निलेश लंके यांनी अजित पवार गटातून बंड करत शरद पवार यांच्याकडे पुन्हा परत येण्याचा निर्णय घेतला होता. त्यानंतर निलेश लंके यांना लोकसभेसाठी शरद पवारांकडून उमेदवारीही देण्यात आली. अहमदनगर दक्षिणमधून लोकसभा निवडणूक लढवलेल्या निलेश लंके यांनी सुजय विखे यांचा पराभव केला होता. या पराभवानंतर निलेश लंके यांची नगरच्या राजकारणातली ताकदही वाढल्याचं बोललं जातंय. दरम्यान, आता मातोश्रीबाहेर झळकलेल्या बॅनरमुळे निलेश लंकेही पुन्हा चर्चेत आलेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.