मुघल शासकांच्या नावाने ओळखल्या जाणाऱ्या शहर, गाव आणि वास्तुंची नाव महाराष्ट्रात बदलली जात आहे. तसाच निर्णय रायगड जिल्ह्यातील महाड तालुक्यातील निजामपुर या ग्राम पंचायतीच्या विशेष ग्रामसभेत आज घेण्यात आला आहे. निजामपुर ग्रामपंचायतीचे नामकरण रायगडवाडी ग्रामपंचायत म्हणून करण्याचा मार्ग आता मोकळा झाला आहे.

निजामपुर ग्रामपंचायतीच्या अखत्यारीत येणाऱ्या तीन महसुली गाव आणि सात वाड्यांच्या विशेष ग्रामसभेत हा निर्णय घेण्यात आला. स्वराज्याची राजधानी किल्ले रायगडचा समावेश निजामपुर ग्रामपंचायतीमध्ये होत असल्याबाबत भाजपचे जत येथील आमदार गोपिचंद पडळकर यांनी रायगड किल्ल्यावरील दौऱ्यादरम्यान खंत व्यक्त केली होती. यानंतर आज विधानसभेत मंत्री जयकुमार गोरे यांनी घोषणा करत केली आहे. आता निजामपुर नव्हे तर रायगडवाडी असा उल्लेख या गावाचा केला जाईल.