एनसीपीएसपी शहराध्यक्ष प्रशांत जगताप यांनी महापालिका निवडणुकांच्या पार्श्वभूमीवर महत्त्वाचे विधान केले. त्यांनी सांगितले की, भाजप देशात मोठा पक्ष असला तरी पुण्यात त्यांनी शहराचे वाटोळे केले आहे. पुणे हे जगातील वाहतूक कोंडी असलेल्या शहरांमध्ये पाचव्या क्रमांकावर आले असून याला मुख्यमंत्री देवेंद्र फडणवीस आणि उपमुख्यमंत्री अजित पवार जबाबदार असल्याचा आरोप त्यांनी केला. जगताप म्हणाले की, पक्ष म्हणून आम्ही आघाडीसाठी तयार आहोत, पण स्वबळावरही लढण्याची तयारी आहे. आंदोलन मोर्चांमध्ये शिवाजीनगरचे उदय महाले यांनी उत्तम कामगिरी केली असल्याचे त्यांनी नमूद केले. राज्यातील 28 महापालिका निवडणुकांमध्ये सर्वाधिक नगरसेवक आमचेच असतील असा विश्वासही त्यांनी व्यक्त केला.