'देवेंद्र फडणवीस हे स्वत:ला आधुनिक अभिमन्यु म्हणतात, मात्र ते आधुनिक जनरल डायर आहेत', अशी टीका राष्ट्रवादी शरद पवार गटाचे आमदार रोहित पवार यांनी केली आहे. तर गुजरातसाठी एअर बस आणि महाराष्ट्रासाठी खाली बस असा टोला देखील यावेळी रोहित पवार यांनी लगावला आहे.

विधानसभा निवडणुकीचे रणशिंग फुंकल्यानंतर आता प्रचार सभांना जोर आला आहे. प्रचार सभांमधून सत्ताधारी आणि विरोधी पक्ष एकमेकांवर जोरदार टीका करताना दिसत आहेत. अशातच शरद पवार गटाचे आमदार रोहित पवार यांनी आपल्या सभेतून देवेंद्र फडणवीस आणि भाजपवर निशाणा साधला आहे. 'फडणवीस हे स्वत:ला आधुनिक युगाचे अभिमन्यु समजतात. पण ते अभिमन्यु नाही, तर या नवीन युगाचे जनरल डायर आहेत. गुजरातसाठी एअर बस आहे आणि महाराष्ट्राला खाली बस म्हणत आहेत. यांनी महाराष्ट्राला फक्त द्वेष दिला. कमळ दिसलं की लोक बटन दाबतात. मात्र या कमळाबाईने राज्याची अक्षरश: वाट लावली आहे',अशी टीका यावेळी बोलताना रोहित पवार यांनी केली आहे.

Edited By Rakhi Rajput