राज्यात सध्या मराठा आरक्षणाचा मुद्दा चांगलाच तापला आहे. आरक्षणाच्या मुद्द्यावरुन मराठा- ओबीसींमध्ये संघर्ष पाहायला मिळत आहे. याबाबत बोलताना मनोज जरांगे यांनी ज्येष्ठ नेते शरद पवार यांना भूमिका स्पष्ट करण्याचे आवाहन केले होते. आज छत्रपती संभाजीनगरमधील पत्रकार परिषदेत शरद पवार यांनी यावर महत्वाचे विधान केले. मराठा आरक्षणाचा मुद्दा सर्वांच्या चर्चेने सुटावा अशी माझी आणि माझ्या पक्षाची भूमिका असल्याचे ते म्हणाले. मात्र मराठवाड्यातील काही जिल्ह्यांमध्ये चिंता करण्यासारखी परिस्थिती आहे. या मुद्द्यावरुन दोन वर्गांमध्ये दरी वाढत आहे का? याबाबत मला चिंता आहे, असंही ते म्हणाले.