मुंबई : काँग्रेस नेते नसीम खान यांनी एमआयएमने खुली ऑफर दिलीय. मुंबईतून निवडणूक लढवण्यासाठी उमेदवारी देत असल्याची ऑफर एमआयएमचे नेते इम्तियाज जलिल यांनी दिली आहे. फक्त स्टार प्रचारक पदाचा राजीनामा का? असा सवालही जलील यांनी नसीम खान यांना विचारलाय. तुम्ही अशा पक्षाचा राजीनामा द्यावा ज्याला केवळ मुस्लिम मते हवी आहेत, त्यांचे नेतृत्व नाही, असा सल्लाही जलील यांनी दिलाय. मुंबईतून नसीन खान यांना डावलून वर्षा गायकवाड यांना उमेदवारी देण्यात आल्यानं नसीम खान नाराज असल्याचं बोललं जातंय. मुंबईत जे तिकिट द्यायला आम्ही तयार आहोत, त्यावर निवडणूक का लढवू नये? असा प्रश्नही जलील यांनी नसीम खान यांना विचारलाय. ही चांगली गोष्ट आहे, थोडी हिंमत दाखवा आणि संधीचा फायदा घ्या, असा सल्लाही जलील यांनी त्यांना दिलाय.