नाफेडचे अध्यक्ष जेठाभाई आहीर यांनी गैरव्यवहार झाल्याचे मान्य केले आहे. आणि या प्रकरणी चौकशी करण्याचे आदेशही दिले आहेत. पण दुसरीकडे संचालक अशोक ठाकूर मात्र नाफेडच्या कांदा खरेदीत गैरव्यवहार झाला नसल्याचा दावा करत आहेत. त्यामुळे नाफेडच्या कांदा खरेदी घोटाळ्यातील संशय आणखी गडद झाला आहे. नाफेडच्या कांदा खरेदीचा शेतकऱ्यांना फायदा झाला, त्यामुळे शेतकरी आनंदात आहेत, असा दावा संचालक अशोक ठाकूर यांचा केला आहे. दहा दिवसांपूर्वी नाफेडच्या खरेदी केंद्रांवर रेड टाकून गैरव्यवहार होत असल्याचं अध्यक्ष जेठाभाई अहिर यांनी मान्य केले होते. आज नाफेडच्या संचालकांनी कुठलाही गैरव्यवहार होत नसल्याची सारवासारव केली आहे.