नाशिक येथील काठे गल्ली सिग्नल ते पखाल रोडवर बुधावर (दि.16) पाऊण वाजेच्या सुमारास जमलेल्या जमावाने घोषणाबाजी करत पोलिसांवर दगडफेक केली होती. या दगडफेकीत 21 पोलीस जखमी झाले आहेत. या दंगलीचे मविआ कनेक्शन समोर आले असून त्यातील काही आरोपींना अटक देखील केली आहे. तर काही अद्यापही फरार आहे.

यावरच मुख्यमंत्री देवेंद्र फडणवीस म्हणाले, न्यायालयाच्या निर्णयानंतर तेथील लोकांनी स्वतः अतिक्रमण काढून घेण्यात येईल असे पोलिसांना सांगितले होते. तसेच अतिक्रमण काढण्यास सुरुवात देखील झाली होती. मात्र, काही लोकांनी जाणीवपूर्वक विरोध करून दंगल घडवून आणली असा आरोप फडणवीस यांनी केला. जाणीवपूर्वक काही लोकांनी दंगा करत दगडफेक केली. दंगलीमधील सहभागी असणाऱ्यांवर कडक कारवाई केली जाईल असे देवेंद्र फडणवीस म्हणाले.