नाशिकच्या त्र्यंबकेश्वरमध्ये पोलिसांनी 10 संशयित मुस्लिम तरूणांना तब्यात घेतलं आहे. हे सर्व तरुण केरळमधून आल्याची माहिती आहे. ब्रम्हगिरी पर्वताच्या पायथ्याशी हे तरुण फिरत असताना त्यांच्यावर कारवाई करण्यात आली आहे.

केरळवरून नाशिकच्या त्र्यंबकेश्वरला आलेल्या 10 तरूणांना ब्रम्हगिरी पर्वताच्या पायथ्याशी फिरताना पोलिसांनी तब्यात घेतलं आहे. हे तरुण परिसरात संशयितरित्या फिरत असल्याची तक्रार स्थानिकांनी पोलिसांना केली होती. त्यानंतर ही कारवाई करण्यात आली आहे. त्यांना ताब्यात घेतल्यानंतर त्यांची चौकशी सुरू झाली असून त्यांच्याकडून ब्रम्हगिरी पर्वताच्या परिसराचे काही फोटो आणि व्हिडिओ देखील जप्त करण्यात आले आहे. त्यांच्या हालचाली संशयास्पद असल्याने नागरिकांनी त्याबद्दल पोलिसांना माहिती दिली होती. आता पोलिसांच्या तपासातून नेमकी काय माहिती समोर येते हे बघण महत्वाचं ठरणार आहे.