नाशिक : नाशिकच्या राजकारण नवा ट्वीस्ट आलाय. नाशिकमधून महंत अनिकेत शास्त्री यांनी लोकसभा निवडणूक लढणार असल्याचा दावा केला आहे. भाजपकडून निवडणूक लढवणार असल्याचा दावा महंत अनिकेत शास्त्री यांनी केला आहे. नाशिकच्या जागेवरुन महायुतीकडून नेमकं लढणार कोण? हे अद्याप स्पष्ट झालेलं नाही. भुजबळांनी माघार घेतल्यानंतर शिवसेना नेमकी कुणाला नाशिकमधून उमेदवारी देईल, याकडे लक्ष लागलेलं आहे. अशातच भुजबळांच्या विश्वासू सहकाऱ्यानंही उमेदवारी अर्ज घेतल्यानं महायुतीत नाशिकमध्ये रस्सीखेच पाहायला मिळाल्याचं बोललं जात होतं. त्यातच आता भाजपकडून नाशिकची निवडणूक लढवणार असल्याचा दावा महंत अनिकेत शास्त्री यांनी केल्यानं राजकीय वर्तुळात पुन्हा खळबळ उडाली आहे. अनिकेत शास्त्री यांनी सगळ्यात आधी साम टीव्हीशी एक्लक्लुझिव्ह बातचीत करत नेमकं काय म्हटलं, तेच या व्हिडीओतून जाणून घेणार आहोत.