नाशिक-त्र्यंबकेश्वर येथे २०२७ मध्ये होणाऱ्या सिंहस्थ कुंभमेळ्याच्या तयारीसाठी केंद्र आणि राज्य सरकारने मिळून मोठ्या विकास योजना हाती घेतल्या आहेत. पाचपट अधिक भाविक येण्याच्या शक्यतेमुळे प्रशासनाने जय्यत तयारी सुरू केली असून, सुमारे २५ हजार कोटी रुपयांची कामे केली जाणार असल्याची माहिती मुख्यमंत्री देवेंद्र फडणवीस यांनी दिली. फडणवीस म्हणाले, 'केंद्र सरकार आणि राज्य सरकार मिळून जवळपास नाशिकमध्ये २५ हजार कोटींपेक्षा जास्त रुपयांची कामं ही आपण आता हातामध्ये घेतली आहे. आणि मला असं वाटतं संपता, संपता २५ हजार कोटी रुपयांची कामं ही या नाशिकच्या परिसरामध्ये आपल्याला या कुंभमेळ्याच्या निमित्ताने करावी लागतील. या भव्य आयोजनासाठी प्रशासकीय यंत्रणा, पोलीस विभाग आणि इतर सर्व संबंधित विभाग समन्वयाने काम करत असून, ६ हजार कोटींच्या कामांचे भूमिपूजनही करण्यात आले आहे.