नाशिकमध्ये एका नामवंत बिल्डरच्या घरावर गोळीबार करण्यात आलेला आहे. अज्ञात दोघांनी हा गोळीबार करत दगडफेक करून घटनास्थळावरून पळ काढला. ही सर्व घटना CCTV मध्ये कैद झाली आहे. या हल्ल्याचं कारण मात्र अद्याप समजलेलं नाही.

नाशिकच्या दिंडोरी रोडवरील नामवंत बिल्डरच्या घरावर पहाटेच्या सुमारास गोळीबार आणि दगडफेक करण्यात आली आहे. अज्ञात दोघांनी घरावर गोळीबार करून पळ काढला आहे. दोन दिवसांपूर्वीच घरासमोर उभ्या असलेल्या चारचाकी वाहनाचीही तोडफोड करण्यात आली होती. या हल्ल्यामागील कारण अद्याप स्पष्ट नसले तरी घटनेचे सीसीटीव्ही फुटेज समोर आले आहे. या प्रकरणी म्हसरूळ पोलीस ठाण्यात गुन्हा दाखल करण्यात आलेला असून पोलिसांकडून पुढील तपास सुरू आहे.