चंद्रपूर : चंद्रपूरच्या सभेतून मोदींनी विरोधकांवर चांगलाच हल्लाबोल केला आहे. ते म्हणाले, सत्ता मिळवा आणि मलाई खा, ही काँग्रेसची नीती आहे. त्यांनी फक्त स्वतःच्या परिवाराचा विकास केलाय. मी शाही घराण्यात जन्माला येऊन पीएम नाही झालो, 'कमिशन आणा नाहीतर काम थांबवा' असं म्हणत त्यांनी इंडिया आघाडीवर निशाणा साधलाय. काँग्रेस पक्ष समस्यांची जन्मदात्री आहे. काश्मिरी पंडित जळत असताना बाळासाहेब पुढे आले, बाळासाहेबांचा काँग्रेसला विरोध होता. शिंदेचं बाळासाहेबांचे विचार पुढे नेत आहेत, असं म्हणत एकनाथ शिंदेंचं कौतुक केलं. काँग्रेसने विदर्भाच्या विकासासाठी होणाऱ्या कामांचा नेहमीच विरोध केला. तरीही केंद्र सरकारने एकनाथ शिंदे आणि दोन्ही उपमुख्यमंत्र्यांच्या मदतीने सर्व विकास कामे व सर्व योजना परत सुरु केल्या. स्वतःच्या कर्माने आज काँग्रेस पक्ष देशातील जनतेचा विश्वास गमवून बसली आहे, असा टोला लगावत यावेळी बोलताना पंतप्रधान मोदींनी काँग्रेसला कडू कारल्याची उपमा देऊन खोचक टीका केली.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.