सिंधुदुर्ग जिल्ह्यातील वैभववाडी येथे असलेल्या प्रसिद्ध नापणे धबधब्यावर पर्यटकांसाठी खास काचेचा पूल उभारण्यात आला असून, हा पूल काल राज्याचे पर्यटनमंत्री नितेश राणे यांच्या हस्ते लोकार्पण करण्यात आला.या आकर्षक आणि वैशिष्ट्यपूर्ण काचेच्या पुलामुळे नापणे धबधबा हे ठिकाण आंतरराष्ट्रीय दर्जाचं पर्यटन केंद्र बनेल, असा विश्वास नितेश राणे यांनी यावेळी व्यक्त केला.

पुलाच्या उभारणीमुळे साहसप्रेमी पर्यटकांना धबधब्याचं विहंगम सौंदर्य नव्या अंगानं अनुभवता येणार आहे.या पुलाचं मनमोहक दृश्य ड्रोन कॅमेऱ्यातून टिपण्यात आलं असून, सोशल मीडियावरही हे दृश्य मोठ्या प्रमाणावर व्हायरल होत आहे. निसर्गरम्य परिसरात उभारलेला पारदर्शक काचेचा पूल पर्यटकांच्या आकर्षणाचा केंद्रबिंदू ठरत आहे.