नांदेड जिल्ह्यातील आर्धापूर येथील पंचायत समिती कार्यालयातील एक कर्मचारी स्टोर रूमचे दार बंद करून झोपा काढत असल्याचा व्हिडीओ सध्या सोशल मिडियावर मोठ्या प्रमाणावर व्हायरल होत आहे. या प्रकारामुळे नागरिकांमध्ये संतापाचे वातावरण आहे.

मिळालेल्या माहितीनुसार, संबंधित कर्मचारी हा आर्धापूर पंचायत समितीच्या बांधकाम विभागातील आहे. तो दररोज कार्यालयीन वेळेत स्टोर रूममध्ये झोप काढत असल्याचे सांगण्यात येत आहे. याच प्रकारामुळे एका संतप्त नागरिकाने त्याचा व्हिडीओ शूट करून तो सोशल मिडियावर अपलोड केला आहे.

सार्वजनिक कार्यालयातील कर्मचाऱ्यांकडून अशी बेफिकिरी आणि जबाबदारीशून्य वर्तणूक आढळून येत असल्याने नागरिकांमध्ये नाराजी पसरली असून, झोपा काढणाऱ्या कर्मचाऱ्यावर तात्काळ कारवाई करण्याची मागणी होत आहे.