नागपूरमध्ये आज समता परिषदेच्या वतीने महात्मा फुले सभागृहात ओबीसी मेळाव्याचे आयोजन करण्यात आले आहे. या मेळाव्यात राष्ट्रवादी काँग्रेसचे ज्येष्ठ नेते छगन भुजबळ आपली भूमिका मांडणार आहेत. विदर्भात ओबीसींची लोकसंख्या सर्वाधिक असल्याने हा मेळावा विशेष महत्त्वाचा मानला जात आहे.राज्य सरकारने हैदराबाद गॅझेटच्या आधारे मराठा समाजाला कुणबी प्रमाणपत्र देण्याचा निर्णय घेतला आहे.

या निर्णयामुळे ओबीसी समाजात नाराजीचे वातावरण आहे. त्यामुळे आजच्या मेळाव्यात भुजबळ काय बोलतात याकडे सर्वांचे लक्ष लागले आहे.दरम्यान, उद्या नागपूरमध्ये राष्ट्रवादी काँग्रेस (अजित पवार गटाचे) चिंतन शिबिर होत आहे. या शिबिराच्या एक दिवस आधी भुजबळांची भूमिका जाहीर होणार असल्याने त्याचे पडसाद थेट चिंतन शिबिरावर उमटतील का? हे बघावं लागणार आहे.