महाराष्ट्र प्रदेश युवक काँग्रेस मधील सुमारे ६० पदाधिकाऱ्यांना जबाबदारीपासून कार्यमुक्त करण्यात आलं आहे. नागपुरात मोहन भागवत यांच्या वक्तव्य विरोधात केलेल्या आंदोलनाला हजेरी न लावणं भोवल असून त्यांच्यावर कारवाई झाली आहे.

यामध्ये विजय वडेट्टीवार यांची सुपुत्री आणि युवक काँग्रेसच्या प्रदेश सरचिटणीस शिवानी वडेट्टीवार, काँग्रेस आमदार विकास ठाकरे यांचे सुपुत्र युवक काँग्रेसचे प्रदेश सरचिटणीस केतन ठाकरे, प्रदेश युवक काँग्रेसचे सरचिटणीस अनुराग भोयर, प्रदेश युवक काँग्रेसचे सरचिटणीस मिथिलेश कन्हेरे यांच्यासह अनेक युवक काँग्रेस पदाधिकाऱ्यांचा समावेश आहे. काल युवक काँग्रेसने नागपुरात संघ मुख्यालयावर जाऊन संघप्रमुख मोहन भागवत यांच्या वक्तव्याचा निषेध करण्याचा आंदोलन अचानकपने करण्यात आले होते. मात्र या आंदोलनात युवक काँग्रेसचे राष्ट्रीय अध्यक्ष उदयभानू चिब युवा काँग्रेसचे प्रदेशाध्यक्ष कुणाल राऊत यांच्यासह काही कार्यकर्ते सहभागी झाले असताना अनेकांनी या आंदोलना मात्र उपस्थितीने दर्शवल्याने कारवाई झाली.