Nagpur Leopard News : नागपुरातील पारडी शिवरामध्ये बिबट्यानं धुमाकूळ घातला आहे. 2 दिवसांपूर्वी कापसी भागामध्ये बिबट्या दिसून आला होता. त्याच बिबट्यानं आज पहाटे अनेक लोकांवर हल्ला केल्याची प्राथमिक माहिती समोर आली आहे. परिसरात पोलिसांनी मोठा बंदोबस्त तैनात केला असून. नागरिकांमध्ये भीतीच वातावरण आहे. वनविभागाकडून रेस्क्यू ऑपरेशन सुरु आहे. लवकरच बिबट्याला पकडण्यात येईल, असे सांगण्यात येत आहे.

पारडीमध्ये आज पहाटे बिबट्याच्या हल्ल्यात दोन ते तीन जखमी झाले आहेत. उपचारासाठी त्यांना रूग्णालयात दाखल करण्यात आले आहे. सध्या त्यांच्यावर उपचार सुरू आहेत. भरवस्तीत अचानक बिबट्या आढळून आल्याने पारडीत भीतीचे वातावरण आहे. या परिसरात मोठा पोलीस बंदोबस्त (Nagpur Leoprad Rescue Operation) तैनात करण्यात आला आहे. वनविभागाकडून रेस्क्यू ऑपरेशन करण्यात येत आहे. सोबतच परिसरात बघ्यांची मोठ्या प्रमाणात गर्दी झाली आहे.