वरळीत नागरिक आणि पोलिस आमने-सामने आले आहेत. डॉ. बाबासाहेब आंबेडकर यांच्या जयंतीला डीजे लावू न दिल्याने स्थानिक रस्त्यावर उतरले आहेत. स्थानिक आक्रमक झाले असून पोलिसांविरोधात जोरदार घोषणाबाजी करत आहेत. आमची जयंती आम्हाला पोलिस साजरी करून देत नाहीत. ते आम्हाला लाईट बंद करायला आणि डीजे बंद करायला लावत आहेत. प्रत्येक जयंतलीला बिल्डिंगखाली पोलिस तैनात केले जातात. आज आम्हाला जबरदस्ती डीजे बंद करायला लावले. पोलिस आमच्यावर सूड उगवत आहेत असा संताप त्यांनी व्यक्त केला आहे.

आक्रमक झालेल्या भिमअनुयायाने सांगितले की, 'वर्षातून एकदा आमचा कार्यक्रम असतो. यंदा आम्ही मिरवणूक काढली. इतर वेळी सगळे उत्सव होतात पण आमच्या कार्यक्रमाला विरोध केला जात आहे. आमचे वर्षातून फक्त ३ कार्यक्रम असतात पण ते देखील करून दिले जात नाहीत. इतर समाजाच्या कार्यक्रमाला डीजे लावून दिले जातात पण आमच्या कार्यक्रमात डीजे लावून दिले जात नाहीत.'