पुण्याहून धावणाऱ्या मुंबई-सोलापूर-मुंबई वंदे भारत एक्स्प्रेसच्या डब्यांची संख्या लवकरच वाढणार आहे. सध्या या गाडीत १६ डबे असताना, आता ४ अतिरिक्त डबे जोडण्यात येणार आहेत. त्यामुळे २९ ऑगस्टपासून या गाडीला २० डब्यांचा रेक मिळणार आहे.या निर्णयामुळे सुमारे ३१२ प्रवाशांना अतिरिक्त प्रवासाची सुविधा मिळणार आहे. सणासुदीच्या काळात आणि गर्दीच्या हंगामात प्रवाशांची वाढती मागणी लक्षात घेऊन हा निर्णय घेण्यात आल्याचं रेल्वे प्रशासनाने सांगितलं आहे.

वंदे भारत एक्स्प्रेस ही अल्पावधीतच प्रवाशांमध्ये अत्यंत लोकप्रिय ठरलेली सेवा आहे. या गाडीच्या डब्यांची संख्या वाढवल्यामुळे आणखी प्रवाशांना जलद, आरामदायक आणि आधुनिक प्रवासाचा अनुभव घेता येणार आहे.