मुंबई : आज गणेश चतुर्थीनिमित्त घरोघरी आणि अनेक सार्वजनिक ठिकाणी गणपती बाप्पाचं आगमन आणि स्थापना झाली आहे. अनेक गणेश मंडळांमध्ये बाप्पाची प्राणप्रतिष्ठा झाली. मुंबईतील प्रसिद्ध श्री सिद्धिविनायक गणपती न्यास मंदिरात दर्शनासाठी लाखो भाविकांनी तुडुंब गर्दी केल्याचं पाहायला मिळालं. उजव्या सोंडेंचे लोभस रूप असलेल्या श्री सिद्धिविनायकाचे मंदिर मुंबईतील प्रभादेवी येथे स्थित असून, प्रत्येक दिवशी भाविक येथे येत असतात.