मुंबई : ऐन निवडणुकीच्या तोंडावर मोठी कारवाई करण्यात आली आहे. निवडणूक आयोगाच्या स्टॅटीक सरविलन्स टीमकडून करण्यात आलेल्या मोठ्या कारवाईतून तब्बल १ कोटी पेक्षा जास्तीची रोकड जप्त करण्यात आली आहे. एका आलीशान कारमधून ही रोकड जप्त करण्यात आली असल्यानं आश्चर्य व्यक्त केलं जात आहे. दादर पूर्वच्या शिंदे वाडी येथून १ कोटी १४ लाख रुपयांची रोकड जप्त करण्यात आलीय. फॉरच्युनर कारमधून ही रोकड जप्त करण्यात आली. कार चालक कॅश संदर्भात समाधानकारक उत्तरे देऊ न शकल्याने कारवाई ही कारवाई करण्यात आली असल्याचं सांगितलं जातंय. दरम्यान कॅश लालबागच्या बांधकाम आणि हॉटेल व्यावसायिकाची असल्याचंही बोललं जातंय. रक्कम मोठी असल्याने निवडणूक आयोगाने आयकर विभागाला दिली असून पुढील चौकशी सुरु आहे.