मुंबईमध्ये सात बांगलादेशी नागरिकांना अटक करण्यात आली आहे. आरसीएफ पोलिस ठाण्याच्या हद्दीत ही कारवाई करण्यात आली आहे. गेल्या पाच वर्षांपासून हे बांगलादेशी माहूल गावात वास्तव्यास होते.

राज्यात अवैध बांगलादेशी स्थलांतरीतांवर होणाऱ्या कारवाईला आता वेग आलेला आहे. त्याच पार्श्वभूमीवर आज पुण्यानंतर आता मुंबईत देखील ७ बांगलादेशींवर कारवाई करण्यात आलेली आहे. यात तीन पुरुष आणि चार महिला बांगलादेशी नागरिकांचा समावेश आहे. आरसीएफ पोलिसांनी त्यांच्यावर पाळत ठेऊन त्यांना आज अटक केली. चेंबूरमधील माहूल गाव विभागातून या सात जणांना अटक करण्यात आली आहे. मार्च २०२० पासून ते माहुल येथे वास्तव्य करत होते.