Sharmila Thackeray : मुंबई महापालिका निवडणुकीत राज ठाकरेंच्या मनसेला अपेक्षित यश मिळाले नाही. पण मागील निवडणुकीच्या तुलनेत ठाकरेंना चांगली मते पडली. मुंबई महापालिकेत राज ठाकरेंच्या सहा उमेदवारांचा मोठा विजय झाला. या विजयी शिलेदारांचं औक्षण करण्यात आले. राज ठाकरेंच्या शिवतीर्थ बंगल्यावर सर्व ६ उमेदवारांचे औक्षण झालं. शर्मिला ठाकरे यांनी सर्व उमेदवारांचे औक्षण करत त्यांचे अभिनंदन केले.

मुंबई महानगरपालिका निवडणुकीत मनसेने 'ठाकरे गटा'सोबत युती करत ६ जागांवर विजय मिळवला आहे. भाजप-शिंदे गटाच्या लाटेतही मनसेच्या या सहा शिलेदारांनी आपला प्रभाव पाडत मुंबई महापालिकेत एन्ट्री केली आहे.