Kurla firing incident : मुंबईतील कुर्ला पश्चिम परिसरात गोळीबाराची एक धक्कादायक घटना घडली आहे. कुर्ला पश्चिमेकडील माकडवाला कंपाऊंडमध्ये जुन्या वादाचा बदला घेण्यासाठी एका गुंडावर गोळीबार करण्यात आला. या घटनेमुळे संपूर्ण परिसरात प्रचंड खळबळ उडाली असून भीतीचे वातावरण पसरले आहे.

मिळालेल्या माहितीनुसार, 'बाबा' नावाच्या एका स्थानिक गुंडावर अज्ञात हल्लेखोरांनी गोळ्या झाडल्या. जुन्या गोळीबाराच्या घटनेचा बदला घेण्यासाठीच हा हल्ला करण्यात आल्याचे प्राथमिक तपासात समोर येत आहे. या हल्ल्यात बाबा हा गंभीर जखमी झाला असून त्याची प्रकृती चिंताजनक असल्याचे सांगण्यात येत आहे.

घटनेची माहिती मिळताच व्ही.बी. नगर पोलीस तातडीने घटनास्थळी दाखल झाले. जखमी गुंडाला उपचारासाठी तातडीने कुर्ल्यातील भाभा रुग्णालयात दाखल करण्यात आले आहे. पोलिसांनी परिसराचा ताबा घेतला असून हल्लेखोरांच्या शोधासाठी पथके तैनात करण्यात आली आहेत.