मुंबईच्या जवळ असलेले कर्जतमध्ये बांधलेल्या टाउनशिपवरुन मोठा वाद निर्माण झाला आहे. राष्ट्रीय मानवधिकार आयोगाने महाराष्ट्र सरकारला याबाबत नोटीसही बजावली आहे. या संपूर्ण वादाचे कारण या टाउनशिपच नाव असल्याचे बोलले जात आहे. हे टाउनशिप केवळ मुस्लिम समुदायासाठी हलाल लाईफस्टाईल टाउनशिप नावाने प्रमोट केले जात आहे. त्यामुळेच यावरून मोठा वाद निर्माण झाला आहे. तसेच यावर आमदार रोहित पवार यांनी देखील प्रतिक्रिया दिली आहे. आपला देश संविधानावर चालतो. या देशामध्ये सर्व जाती धर्माचे लोक राहतात, अशा पद्धतीने जर कोणी जातीधर्माच्या मुद्द्यावर अशी टाउनशिप चालवत असेल तर त्याची राज्य सरकारने दखल घ्यावी अशी मागणी रोहित पवार यांनी केली आहे.