मुंबई आंतरराष्ट्रीय विमानतळावरील टर्मिनल २ येथील पार्किंगमध्ये अपघात झाला आहे. या अपघातात एका कारने अनेक गाड्यांना धडक दिली आहे. पॅसेजर सोडण्यासाठी आलेल्या मर्सिडिज गाडीवरील चालकाचे गाडी वरील नियंत्रण सुटल्याने हा अपघात झाला असल्याचं सांगण्यात येत आहे. दरम्यान अपघातानंतर CSMIAच्या प्रवक्त्याने अपघाताबाबत माहिती दिलीय. आज सकाळी CSMIA येथे, T2 च्या डिपार्चर लेनमध्ये कार चालकाचे कारवरील नियंत्रण सुटले. त्यामुळे पाच जण जखमी झाले. विमानतळ वैद्यकीय पथकाने तातडीने प्राथमिक उपचार करण्यासाठी घटनास्थळी धाव घेतली. जखमींना उपचारासाठी रुग्णालयात दाखल करण्यात आले आहे. सीएसएमआयए आणि पोलीस प्रवाशांच्या सुरक्षेसाठी आणि ऑपरेशन्स चालू ठेवण्यासाठी काम करत आहे."

मुंबईच्या आंतरराष्ट्रीय विमानतळावरील टर्मिनल २ येथे रविवारी दुपारच्या सुमारास एक मोठा अपघात झाला आहे. पार्किंगमध्ये एका मर्सिडिज कारने इतर अनेक गाड्यांना धडक दिल्याने हा अपघात झाला आहे. प्रवाशाला सोडण्यासाठी ही गाडी येथे आली होती. मात्र चालकाचे गाडीवरील नियंत्रण सुटल्याने गाडीने पार्किंगमध्ये असलेल्या इतर गाड्यांना धडक दिली. यात ५ जणं जखमी झाले आहे. जखमींमध्ये २ झेट रिपब्लिक देशाच्या दोघांचा समावेश, तर ३ जणं विमानतळावरील क्रू मेंबर असल्याची माहिती पोलिसांनी दिली आहे.