नव्या शिक्षण धोरणात पाहिलीपासून हिंदी विषय सक्तीचा केल्यानंतर उडालेल्या मराठीच्या धूराळ्याने मनसे आणि ठाकरे गट एकत्र आल्याचे पाहायला मिळाले. मनसे प्रमुख राज ठाकरे यांनी अभिनेते महेश मांजरेकर यांना दिलेल्या एका मुलाखतीत याबाबत केलेले सुतोवाच आणि त्याला ठाकरे सेनेचे पक्षप्रमुख उद्धव ठाकरे यांनी दिलेला सकारात्मक प्रतिसाद या पार्श्वभूमीवर ही चर्चा यावेळी प्रत्यक्षात साकार होण्याची आशा दोन्ही पक्षाच्या कार्यकर्त्यांना वाटत आहे.

मुंबई येथील गिरगाव परिसरात देखील दोघा भावांचे मनोमिलन होण्याआधीच बॅनर झळकले आहेत. बाळासाहेब ठाकरे यांनी राज आणि उद्धव या दोघांच्या खांद्यावर हात ठेवलेला फोटो आणि मुंबईमध्ये फक्त ठाकरे ब्रॅंड या आशयाचे बॅनर लागल्याने ते संगळ्यांचेच लक्ष वेधून घेत आहे.