मुंबई: दादर येथे असलेल्या कबुतरखान्यावरून गेल्या काही दिवसांपासून मोठा वाद सुरू होता. यानंतर मुंबई उच्च न्यायालयाने कबुतरखान्यावरील बंदीचा उच्च न्यायालयाचा आदेश सर्वोच्च न्यायालयाने कायम ठेवल्यानंतर सोमवारी मुंबई महापालिकेने कारवाई आणखी तीव्र केली. महापालिकेने 1 जुलै ते 11 ऑगस्ट या दरम्यान कबूतरांना खाद्य टाकल्याबदल एक लाख 32 हजार रुपये इतका दंड वसूल केला आहे. सर्वात मोठी कारवाई ही दादर कबुतरखाना परिसरात करण्यात आली. या परिसरात 28 हजार रुपयांचा दंड वसूल करण्यात आला. तसेच कबुतरखान्यावरील टाकलेली ताडपत्री काढण्याचा प्रयत्न केल्यास गुन्हा दाखल केला जाईल असा इशारा मुंबई महापालिकेने दिला आहे.