Mukesh Ambani syndicated loan : मुकेश अंबानी यांच्या रिलायन्स इंडस्ट्रीज लिमिटेड (RIL) ने २.९ बिलियन डॉलर म्हणजे २५,००० कोटी रुपयांचे कर्ज घेतले आहे. ५५ बँकांनी सिंडिकेट पद्धतीने एकत्र येत मुकेश अंबानी यांना कर्ज दिले आहे. ब्लूमबर्गच्या अहवालानुसार, हे भारतातील एका वर्षातील सर्वात मोठे विदेशी कर्ज आहे. या कर्जाला ५५ बँकांनी संयुक्तपणे मंजुरी दिली असून, यामुळे हे आशियातील २०२५ मधील सर्वात मोठे सिंडिकेटेड लोन डील ठरले आहे. हे कर्ज कंपनीच्या विस्तार योजनांसाठी आणि २०२५ मध्ये येणाऱ्या २.९ बिलियन डॉलरच्या कर्ज परतफेडीसाठी वापरले जाईल.

सिंडिकेटेड लोन म्हणजे काय?

सिंडिकेटेड लोन म्हणजे अनेक बँका एकत्र येऊन एका कंपनीला कर्ज पुरवतात. या व्यवहारात ५५ बँकांनी सहभाग घेतला, ज्यामुळे रिलायन्सच्या आर्थिक विश्वासार्हतेची पुष्टी होते. हे कर्ज दोन भागांमध्ये विभागले गेले आहे: २.४ बिलियन डॉलर आणि ६७.७ बिलियन जपानी येन (सुमारे ४६२ दशलक्ष डॉलर).