राज्यात २५ डिसेंबरला ख्रिसमसची सुट्टी असताना देखील याच दिवशी परीक्षा घेण्याचा अट्टाहास एमपीएससीने केला आहे. विविध संवर्गातील पदांसाठी ख्रिसमसच्या दिवशी म्हणजे २५ डिसेंबरला परीक्षा ठेवण्यात आल्या आहे. समाजकल्याण विभागासाठी सहाय्यक आयुक्त आणि तत्सम गट अ आणि सहाय्यक संचालन संशोधन अधिकारी, प्रकल्प अधिकारी गट अ साठीच्या पदाच्या परीक्षा २५ डिसेंबरला होणार आहे. सार्वजनिक सुट्टीच्या दिवशी या परीक्षा होत असल्याने विद्यार्थी संघटनांनी नाराजी व्यक्त केली आहे. मात्र हा विरोध धुडकावून लोकसेवा आयोग परीक्षा घेण्यावर ठाम आहे.