दिशा सालियान प्रकरणात सत्ताधारी आणि विरोधकांमध्ये आरोप प्रत्यारोप सुरू आहे. खासदार नरेश म्हस्के यांनी याप्रकरणी सखोल चौकशी व्हावी अशी मागणी केली आहे. तसेच राज्य सरकारने दिशाच्या वडिलांना न्याय मिळवून द्यावा अशीही विनंती केली आहे.

'सुशांत सिंग राजपूत आणि दिशा सालियन या दोन्ही प्रकरणांबाबत दबक्या आवाजात चर्चा होत आहे. त्या काळात उद्धव ठाकरे मुख्यमंत्री आणि आदित्य ठाकरे मंत्री होते. पोलिस तपासात आत्महत्या असल्याचे सांगण्यात आले, मात्र यात मोठ्या व्यक्तींचा हस्तक्षेप असल्याचा आरोप आहे'.

"संजय राऊत म्हणतात की बनाव रचला आहे. मग फोन कॉल तपासण्याची मागणी का करत नाही? सत्य बाहेर येऊ द्या. शिवाजी महाराजांनी कधीही अन्याय करणाऱ्याला माफ केले नाही, त्यामुळे जे कुणी दोषी असतील तर, त्यांना शिक्षा झालीच पाहिजे," असे म्हस्के म्हणालेत.