Monsoon Rain News Update: उकाड्याने हैराण झालेल्यांना दिलासा देणारी बातमी आहे. एकीकडे उष्णतेच्या लाटेच्या झळांना लाहीलाही झालेली असतानाच आता मान्सूनबाबत महत्त्वाची अपडेट समोर आलीय. मान्सूनचं आगमन यंदा लवकर येण्याची शक्यता वर्तवण्यात आली आहे. हवेचा दाब मान्सूनच्या प्रगतीसाठी अनुकूल असल्याचं सांगितलं जातंय. त्यामुळे पावसासंदर्भात दिलासा देणारं वातावरण लवकरच तयार होईल, असा अंदाज वर्तवण्यात आला आहे. राज्यात सध्या उष्णतेच्या लाटेचा इशारा देण्यात आला आहे. अशातच पाऊस लवकर येणार असल्याच्या शक्यतेनं काहीसा दिलासा लोकांना दिलाय.