मुंबई : काँग्रेसचे माजी नेते संजय निरुपम (Sanjay Nirupam) हे शिंदे गटात प्रवेश करणार असल्याची चर्चा आहे. तसेच निरूपम मुंबई उत्तर पश्चिममधून (Mumbai North West) निवडणूक लढवतील अशी शक्यता आहे. पण मनसेने निरुपम यांच्या उमेदवारीला विरोध केला आहे. निरुपम आणि मनसेमध्ये जुना वाद आहे. त्यामुळे मनसेच्या कार्यकर्त्यांनी निरुपम यांना विरोध केला आहे. गुढीपाडवा मेळाव्यात राज ठाकरे (Raj Thackeray) यांनी महायुतीला बिनशर्त पाठिंबा जाहीर केला होता. त्यानंतर अनेक पदाधिकाऱ्यांनी मनसेला राम राम केला होता.