आमदार निवासाच्या कॅन्टिनमध्ये पुन्हा एकदा गोंधळाची परिस्थिती निर्माण झाली आहे. आज दुपारी दोन वेटर आपापसात भिडल्याने कॅन्टिनमध्ये गोंधळ उडाला. वादाचे कारण अद्याप स्पष्ट झाले नसले तरी, उपस्थितांनी दोघांनाही वेळीच वेगळं केल्यामुळे मोठा अनर्थ टळला.

ही घटना कालच्या घटनेनंतर दुसऱ्याच दिवशी घडल्याने चर्चेला उधाण आलं आहे. काल आमदार संजय गायकवाड यांनी शिळे अन्न दिल्याच्या कारणावरून कॅन्टिनमधील एका कर्मचाऱ्याला लाथाबुक्क्यांनी मारहाण केली होती. त्या घटनेचा व्हिडीओ व्हायरल झाल्यानंतर प्रकरण विधानसभेपर्यंत पोहोचले.

आज झालेल्या नव्या वादामुळे कॅन्टिनमधील प्रशासन आणि सुरक्षेच्या दृष्टीने मोठे प्रश्न उपस्थित झाले आहेत. सतत घडणाऱ्या या घटना लक्षात घेता, प्रशासनाकडून अधिक कडक उपाययोजना करण्यात याव्या अशी मागणी होत आहे.