एसटी कर्मचाऱ्यांचा या महिन्याचा पगार हा फक्त 56 टक्के देऊन महायुती सरकारने एसटी कर्मचाऱ्यांवर उपासमारीची वेळ आणली होती. मात्र साम टीव्हीनी एसटी महामंडळाचा आवाज लाऊन धरला आणि सरकारला नमत केले. यापुढे एसटी कर्मचाऱ्यांचा पगार दरमहा 7 तारखेला त्यांच्या बॅंक खात्यात जमा करण्यात येईल असे आश्वासन परिवहन मंत्री प्रताप सरनाईक यांनी दिले. सरनाईक म्हणाले, तळागळात काम करणाऱ्या माणसाला गरीबी काय असते याची कल्पना असते.मी आठ ते नऊ वर्षे रिक्षा चालवली आहे मी आणि एकनाथ शिंदे यांनी एकेकाळी एकत्र रिक्षा चालवली आहे. ऑमलेट पाव आणि भूर्जी पावचा व्यवसाय देखील आम्ही केला आहे.हे सांगण्याचा उद्देश एकच आहे टॅक्सी चालवताना किंवा कोणताही व्यवसाय करताना माणसाने लाज बाळगू नये असा सल्ला प्रताप सारनाईक यांनी दिला.