Meghana Bordikar Viral Video : राज्याच्या आरोग्य राज्यमंत्री तथा परभणीच्या पालकमंत्री मेघना बोर्डीकर यांनी एका कार्यक्रमात ग्रामसेवकाला कानाखाली मारण्याची धमकी देतानाचा एक व्हिडिओ राष्ट्रवादीचे आमदार रोहित पवार यांनी ट्विट केला. यावर मेघना बोर्डीकरांनी स्पष्टीकरण दिले आहे. रोहित पवार यांनी अर्धवट माहितीच्या आधारे राज्यातील जनतेची दिशाभूल करू नये. बोरी येथील विधवा, मोलमजुरी करणाऱ्या सामान्य महिलांचा पंतप्रधान आवास योजनेच्या लाभासाठी हा ग्रामसेवक छळ करतोय. पैशांची मागणी करतोय, त्याची वारंवार तक्रार करूनही तो ऐकत नव्हता. त्या कार्यक्रमात काही महिला माझ्याकडे आल्या आणि मी त्या रागातून संबंधित ग्रामसेवकाला बोलले, असल्याचे मेघना बोर्डीकर यांनी सांगितले आहे.

Also Read