खाजगी वैद्यकीय कॉलेजमध्ये 5 पट शुल्क वाढ होणार असल्याची माहिती समोर आली आहे. त्यामुळे वैद्यकीय शिक्षण महागणार आहे.

शुल्क नियामक प्राधिकरणाने राज्यातील सर्व वैद्यकीय महाविद्यालयांसाठी शुल्क निश्चित करून दिलं आहे. दुसऱ्या बाजूला वैद्यकीय शिक्षण विभागाने खाजगी वैद्यकीय महाविद्यालयांसाठी शुल्क वाढीचा निर्णय घेतला आहे. महाविद्यालयामधील मॅनेजमेंट कोट्याच्या जागांसाठी नियमित शुल्काच्या 5 पट अधिक शुल्क आकरण्यास आपली काहीही हरकत नसल्याचा निर्वाळा वैद्यकीय शिक्षण विभागाने दिला आहे. यामुळे वैद्यकीय विभागात हा मोठा बदल आता होणार आहे. वैद्यकीय शिक्षण विभागाच्या नुकत्याच झालेल्या बैठकीत हा निर्णय घेण्यात आला आहे. राज्यात बरेच विद्यार्थी असे असतात ज्यांना वैद्यकीय शिक्षण घ्यायचे असते. मात्र आता या निर्णयामुळे या विद्यार्थ्यांमधून नाराजी व्यक्त केली जात आहे.