जुन्या पुणे -मुंबई महामार्गावर मोठी वाहतूक कोंडी झाली आहे. आज सकाळी एक मोठा कंटेनर या महामार्गावर ग्रेड सेपरेटरमध्ये अडला आहे. मुंबईवरून पुण्याच्या दिशेने जाताना मोरवाडी येथील ग्रेड सेपरेटरमध्ये हा कंटेनर अडकला. त्यामुळे महामार्गावर वाहतूक कोंडी झाली. या महामार्गावर वाहनांच्या लांबच लांब रांगा लागल्या आहेत. टीसीआय कंपनीचा हा कंटेनर आहे. कंटेनर ग्रेड सेपरेटरमध्ये अडकल्यामुळे पिंपरी-चिंचवड शहरातून जाणाऱ्या जुन्या मुंबई- पुणे महामार्गावर मोठी वाहतूक कोंडी झाली. पिंपरी चिंचवड शहर वाहतूक पोलिसांनी जुन्या मुंबई -पुणे महामार्गावरील पुण्याच्या दिशेने जाणारी वाहतूक पर्यायी मार्गाने वळवली आहे. कंटेनर काढण्यासाठी वाहतूक पोलिस युद्ध पातळीवर प्रयत्न करत आहेत.