अमोल कलये, रत्नागिरी | साम टीव्ही

उन्हाळी सुट्ट्यांमुळं मुंबईहून मोठ्या संख्येने चाकरमानी कोकणात निघाले आहेत. त्यात स्थानिकांच्या वाहनांचीही भर पडल्यामुळं मुंबई गोवा महामार्गावर वाहतूक कोंडी झाली आहे. चिपळूणमध्ये बहादूर शेख नाक्यावर वाहनांची रांग लागली आहे. वाहतूक पोलीस या ठिकाणी कर्तव्यावर नसल्याने ही वाहतूक कोंडी होत असल्याचे स्थानिकांचे म्हणणे आहे.

बहादूर शेख नाक्यावर चारही दिशेने येणाऱ्या रस्त्यावर वाहनांची रांग लागते. बेशिस्त वाहन चालकांमुळे महामार्गासह शहरांतर्गत वाहतुकीलाही मोठा फटका बसतो. ही वाहतूक कोंडी सोडवताना स्थानिकांची दमछाक होत आहे. मुंबईकडून गोव्याच्या दिशेने जाणारी वाहने बहादूर शेख नाक्यावर वाहतूक कोंडीत अडकली. तर कराडहून चिपळूणच्या दिशेने येणाऱ्या वाहतुकीवरही परिणाम झाला आहे.