ठाणे–नाशिक महामार्गावर आज अचानक प्रचंड ट्रॅफिक जामची परिस्थिती निर्माण झाली असून गाड्यांच्या लांबच लांब रांगा लागल्या आहेत. महामार्गावरील वाहतूक काही काळ पूर्णपणे ठप्प झाली होती. माझिवडे परिसरात वाहनांची प्रचंड गर्दी झाली असून अनेक वाहनचालकांना तासन्‌तास रांगेत अडकून राहावे लागले. सर्वात चिंताजनक बाब म्हणजे या ट्रॅफिक कोंडीत एका अॅम्बुलन्सलाही अडकल्याची माहिती समोर आली आहे. यामुळे रुग्णवाहिकेतील रुग्णाची गैरसोय झाली असून नागरिकांत संतापाची भावना निर्माण झाली आहे. वाहतूक पोलीस आणि स्थानिक प्रशासनाने तातडीने घटनास्थळी धाव घेत वाहतूक सुरळीत करण्याचे प्रयत्न सुरू केले आहेत