आज विधान भवन परिसरात भीषण आग लागल्याची घटना घडली आहे. आग गेटजवळील भागात लागली असून यामध्ये मोठ्या प्रमाणावर नुकसान झाल्याची प्राथमिक माहिती समोर आली आहे.

आग लागल्याची माहिती मिळताच अग्निशमन दलाच्या गाड्या तातडीने घटनास्थळी दाखल झाल्या असून आगीवर नियंत्रण मिळवण्यासाठी प्रयत्न सुरू आहेत. परिसरात दाट धुराचे लोट पसरले असून आग विझवण्यासाठी शर्तीचे प्रयत्न सुरू आहेत.

या वेळी विधान भवन परिसरात आमदार आणि खासदार उपस्थित होते. एका कार्यक्रमानंतर ते भोजनासाठी निघाले असताना ही दुर्घटना घडली. सुदैवाने कोणतीही जीवितहानी झाल्याचे वृत्त अद्याप प्राप्त झालेले नाही.

संपूर्ण परिसर सुरक्षिततेच्या दृष्टीने रिकामा करण्यात आला आहे. आग नेमकी कशी लागली याचा तपास सुरू आहे.