मरिन ड्राईव्ह परिसरातील नीलकंठ नावाच्या बहुमजली इमारतीत आज दुपारी अचानक आग लागल्याची घटना घडली. आगीचे कारण अद्याप अस्पष्ट असून, या आगीत कोणतीही जीवितहानी झाली नसल्याची प्राथमिक माहिती आहे.

आग लागल्यानंतर परिसरात एकच खळबळ उडाली. इमारतीतून धूर आणि ज्वाला दिसून आल्याने नागरिकांनी तत्काळ अग्निशमन दलाला माहिती दिली. घटनास्थळी दाखल झालेल्या अग्निशमन दलाच्या आठ गाड्यांनी आगीवर नियंत्रण मिळवण्यासाठी शर्थीचे प्रयत्न सुरू केले आहेत.आगीचे नेमके कारण काय आहे, हे अद्याप समजू शकलेले नाही. मात्र आगीचा प्रचंड धुरामुळे संपूर्ण परिसरात घबराटीचे वातावरण निर्माण झाले आहे. प्रशासन आणि पोलीस यंत्रणा देखील घटनास्थळी पोहोचून मदतकार्य सुरू आहे.