डिझेल टंचाईचा शेतकऱ्यांना मोठा फटका बसत आहे. त्यामुळं मराठवाड्यातील सर्वात मोठं हळद मार्केट बंद झालंय. हिंगोलीच्या संत नामदेव कृषी उत्पन्न बाजार समितीमधील हळद मार्केट डिझेलअभावी बंद करण्याची वेळ आली आहे. व्यापाऱ्यांनी शेतकऱ्यांची हळद खरेदी न करण्याचा निर्णय घेतल्याने पुढील ५ दिवस हळद खरेदी-विक्री बंद राहणार आहे.
शेतकऱ्यांचा खरेदी केलेला माल बाहेरच्या जिल्ह्यात पाठवण्यासाठी इंधन मिळत नसल्याने व्यापाऱ्यांनी हा निर्णय घेतल्याचं बाजार समिती प्रशासनाने सांगितले आहे. शेतकऱ्यांना देखील मोठ्या प्रमाणात इंधन टंचाईची झळ बसत असल्याने गावातून मार्केटमध्ये हळद आणताना मोठी कसरत करावी लागत आहे. पुढील पाच दिवस हे मार्केट बंद राहणार असल्याने खरिपाच्या तोंडावर हळद उत्पादक शेतकऱ्यांना पेरणीसाठी बी-बियाणे आणि खतांची खरेदी करताना मोठी कसरत करावी लागणार आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.